Fesili e Masani Ona Fesiligia e uiga i le Tui Puipui COVID-19

E saogalemu le faia o le tui puipui o le COVID-19?

Ioe. O tui puipui uma o le COVID-19 ua fa'atagaina ma fautuaina i le taimi nei e saogalemu ma aoga, ma e le fautuaina e le CDC se tui puipui e sili atu nai lo le isi. O le fa'ai'uga sili ona taua o le faia lea o se tui puipui o le COVID-19 i se taimi vave e mafai ai. O le faia o tui puipui lautele o se meafaigaluega taua e fesoasoani e taofi ai le fa'ama'i.

O le ā le aogā o le tui puipui o le COVID-19 i lou tino?

E aʻoaʻoina e tui puipui o le COVID-19 o tatou puipuiga o le tino i le auala e iloa ai ma tau ai ma le siama e mafua ai le COVID-19. O nisi taimi e mafai e lenei faiga ona mafua ai ni faʻailoga, e pei o le fiva.

E suia ea e se tui puipui o le COVID-19 la'u DNA?

Leai. E lē suia pe fegalegaleai tui puipui o le COVID-19 ma lau DNA i soo se auala. O tui puipui uma e lua o le mRNA ma le viral vector COVID-19 e tuʻuina atu faʻatonuga (mea tau kenera) i o tatou sela e amata fausia ai le puipuiga mai le siama e mafua ai le COVID-19. Peitaʻi, e lē ulufale lava le mea i totonu o le nucleus o le sela, o le mea lea e teu ai a tatou DNA.